Jou nuwe generasie Afrikaanse boekklub
'n Blink toekoms begin met 'n storie en 'n liefde vir lees.
Reeds ’n lid? Teken in
Saamlees bou 'n band vir die lewe.
Hoekom Storietyd?
Beter op skool
Kinders wat lees, vaar beter.
MeerMinder
Trouens, studies toon dat kinders vir wie daar gedurende hul voorskoolse jare stories gelees word, aansienlik beter voorbereid is vir skool omdat hulle 'n groter woordeskat het. Hulle leer dus ook baie makliker om te lees. Om die waarheid te sê, die verskil tussen 'n kind vir wie gelees is en een wat nie met storieboeke groot geword het nie, is so beduidend, dat hierdie agterstand baie moeilik is om uit te wis.
Die vermoë om te lees en skryf is nodig voordat 'n kind ander vakke kan bemeester. Navorsing het getoon dat kinders wat lees vir die lekker aansienlik beter op skool vaar as hul eweknieë omdat hulle woordeskat, spelling en wiskunde soveel beter is.
Kosbare tyd saam
Saamlees bou 'n band vir die lewe.
MeerMinder
Ouers het 'n baie spesiale en belangrike rol om te speel om hul kinders in beter lesers te help verander. Om saam met jou kinders of kleinkinders te lees word 'n kosbare geleentheid om op 'n sinvolle manier tyd te spandeer. Jy ken jou kinders se belangstellings beter as enige een, en deur van jongs af saam met hulle te lees kan jy hulle die voorsprong van 'n leeftyd gee.
Net die beste boeke
Sorgvuldig gekies vir jou gemoedsrus.
MeerMinder
Storietyd se missie is om van elke kind 'n leser te maak deur middel van stories en verhale wat aan sy of haar smaak voldoen en wat hulle belangstelling prikkel.
Reg vir elke ouderdom
0–17 jaar, op jou kind se vlak.
MeerMinder
Ons maak net die heel beste kinderboeke bymekaar om vir jou gemoedsrus te gee dat jou kind boeke lees wat ouderdomsgepas is in terme van tema, taal en ontwikkelingsfase, en wat van hoogstaande gehalte is.
Ek wil graag aansluit, hoe werk dit?
Registreer met jou en jou kinders/kleinkinders se besonderhede.
Ontvang dadelik bevestiging per e-pos.
Ons voeg jou by ons WhatsApp groepie (Storietydboekklub).
MeerMinder
- Ons stuur 'n boodskap sodra die kwartaalkeuses oop is en jy boekies kan kies. (Jy sal ook sien watter boekies jou kinders sal ontvang as jy nie self wil of kan kies nie.)
- Ons laat weet sodra ons julle boekies per koerier stuur, met die afleweringsbesonderhede.
- Jy kontak ons per WhatsApp as jy hulp nodig het of iets wil vra.
Welkom — jy is nou deel van 'n baie spesiale kinderboekklub!
Kostes
Storietyd se strewe is om net die mees geskikte en gepaste boeke per ouderdom vir elkeen van jou kinders of kleinkinders te vind. Ons wil namens jou die beste boeke teen die billikste koste verskaf — met die minimum moeite aan jou kant. Jou subskripsie stel ons in staat om dit te doen: 0–12 jaar slegs R125 per maand, 13+ jaar slegs R160 per maand, en aflewering R30 per maand per adres.
Hoe betaal ek?
Jou betaling is maandeliks per Debietorder of Kredietkaart op 'n datum wat jou pas.
Waarborg
Indien jy om enige rede ontevrede is met 'n boek, ruil ons dit met liefde vir jou om. Stuur dit net terug in die oorspronklike toestand, kies jou nuwe boekie en dit word afgelewer.